Зохиолч, яруу найрагч Цэнд-Аюушийн Буянзаяа миний вэб хуудсанд зочилж байгаа танд талархал илэрхийлье. Миний бие уран зохиолын ертөнцөд бүхий л итгэл үнэмшил, хүсэл тэмүүллээ зориулж явдаг хүний хувьд уншигчидтайгаа санал бодлоо хуваалцахын тулд энэхүү хуудсыг нээсэн юм. Энэ хуудсаараа дамжуулан өөрийн бүтээл туурвилын тухай мэдээлэл болон санал бодлоо илэрхийлсэн нийтлэл, тэмдэглэл, шүүмж, ярилцлагыг та бүхэнд хүргэж байх болно. Мөн өөрийн эрхлэн ажиллуулдаг "Фриймон" консалтинг компанийхаа үйл ажиллагааны талаар болон уран зохиолын амьдралд өөрийн гэсэн хувь нэмрээ оруулж явахын тулд үүсгэн санаачилсан "Уран зохиолын боловсрол төв" ТББ-аас санаачлан хэрэгжүүлж буй үйл ажлуудынхаа талаар ч мэдээлэл хүргэж байх юм. Ялангуяа шинээр хэвлүүлж буй ном зохиол,  бүтээл туурвилынхаа талаар мэдээлэхийн зэрэгцээ уран зохиол, соёл, нийгмийн талаарх өөрийн ойлголт, санаа бодлыг та бүхэнтэй идэвхтэй хуваалцахыг хичээх болно.

 

Таныг вэб хуудсанд минь зочилж байна гэдэгт итгэж байна.